Баншны Хэв Хэрхэн Хийх Вэ?

Урлалын нийтлэгдсэн огноо: 2018/06/09

Зуны бороотой өдөр банштай цай уух дургүй хүн байхгүй гэдэгт би итгэж байна. Гэхдээ худалдааны биш өөрөө хийсэн банш байвал илүү сайхан шүү дээ. Хэрэв та банш чимхэж чаддаггүй бол ажлыг чинь хөнгөвчлөх арга байна. Тэр бол баншны хэв. Харин баншны хэвийг хаанаас олох вэ? Санаа зоволтгүй та өөрөө хийж болно. Хэрхэн хийх аргыг нь би одоо танд хэлж өгье.

30*20 см хэмжээтэй хуш модон банз олж бэлтгэнэ.

Зурагт харуулснаар 6 талт дүрсүүд зурна.

6 талт дүрснүүдийн голд нь том хэмжээтэй өрмөөр өрөмдөж нүхэлнэ.

Сийлбэрийн хутгаар 6 талтыг голын нүхний чигт налуу байрлалтайгаар ухна.

Бүх 6 талтыг ухаж дуусгаад гадна ирмэгийг хурц байхаар болгон хуурайдаж сайтар зүлгэнэ.

Хийсэн хэвээрээ банш хийхдээ элдсэн гурилаа нэг захыг нь хэвэн дээр байхаар нөгөө захыг нь махаа хийсний дараа хучихаар тааруулна. Эсвэл 2 хэсэг элдсэн гурил ч ашиглаж болно.

Хэвнийхээ нүх бүрд махаа тааруулан хийнэ.

Одоо үлдсэн гурилаараа хучиж элдүүрээр чанга даран ирмэгүүдийг хооронд нь наалдуулах болон баншнуудаа нэг нэгээрээ салгаж болохоор болгоно.

Хэрэв банш нэг нэгээрээ салахгүй бол хутга ашиглан салгаж болно.

Ингээд таны банш бэлэн боллоо. Энэ баншинд материал маш бага ордог бөгөөд эдийн засгийн хувьд маш үр дүнтэй. Хэвээ өөрөө хийх нь ч маш сонирхолтой бөгөөд хийж дуусаад та өөрөөрөө бахархах болно. Ингээд танд амжилт хүсье.

Бүх сэтгэгдлийг үзэх

Танд сонирхуулах өөр бараа

Холбоотой урлалууд