Заримдаа бидэнд дугуй дүрсээр урлах хэрэг гардаг. Харин дугуй жааз хийнэ гэдэг бол жаахан төвөгтэй санагддаг. Тэгвэл үүнийг хийх амархан санаа надад байна. Би өөрийн декупажилсан дугуй картонд хүрээ хийсэн бөгөөд та миний нийтлэлээс харж байгаад дагаад хийгээрэй.
- Хатуу картон
- Цагаан, бор, улбар шар өнгийн акрилан будаг / warm white, espresso, bright orange /
- Порлон
- Салфетка
- Декупаж мидиум
- Сонингийн цаасаар хийсэн трубочка
- Нэхмэлийн зүү
- Шар өнгийн цаас
- Зүсэгч ир
- Цавуу
- Cuttlebug
- Distress Тамганы Өнгө
Хатуу картоныг дугуй хэлбэртэй зүсэж цагаан акрилан будгаар будна.
Декупаж мидиумаар зурагтай салфеткагаа картон дээрээ наана.
Декупажилсан картоноо тойруулан нүх гаргана.
Сонины цаасан трубочкагаа гаргасан нүх бүрд хийж нугална.
Өөр трубочканууд ашиглан зурагт үзүүлсний дагуу сүлжинэ. Ингэхдээ та хэдэн ч трубочка сонгож болох ба таны сонгосон тоо их байх тусам сүлжээсний эхний үе нь зузаан болно.
Эхний үеийг зузаан сүлжсэний дараа зөвхөн 2 трубочкагаар 2 үе сүлжээд нэхмэлийн зүү ашиглан трубочканы үзүүрийг баганын завсраар хийж илүү гарсан хэсгийг тайрна.
Бүх багануудыг зурагт үзүүлсний дагуу нугална.
Одоо нөгөө тийш нь нугалаарай.
Дуусгахдаа нэхмэлийн зүү ашиглан харалдаах баганын хажуугаар сүлжээсний завсраар гаргана.
Илүүдэл трубочкагаа тайрч авна.
Бүх илүүдлийг тайрч авахад урлал чинь будахад бэлэн болно.
Эхлээд бор өнгийн будгаар будна.
Дараа нь улбар шар өнгөөр порлон ашиглан бууралтуулж будна.
Шар өнгийн цаасыг Cuttlebug машин болон зүсэгч хэв ашиглан зүсээд Spiced marmalade тамганы өнгө ашиглан будаж хооронд нь нааж цэцэг хийгээд жаазаа гоёорой.
Дугуй жааз хийх миний санаа танд таалагдсан гэдэгт найдаж байна. Та жаазаа аль ч өрөөнийхөө хананд өлгөж болох бөгөөд таны сонирхлыг татах маш олон төрлийн зурагтай салфетка манай дэлгүүрт байгаа. Ингээд таны урлалд амжилт хүсье.
