Өвлийн төгөлд цор ганц мод ногоон хэвээр
Өнгөрсөн шөнө орсон цас түүнд дурлаад хайлжээ
Өөрийгөө зориулж мөчирт нь буугаад хайлах нь
Энэ цас яг над шиг дурлажээ – Welcome to my heart дуунаас…
Цас танд анхны хайрыг тань бодогдуулдаг уу? Анхны хайраа дурсах сайхан карт урламаар байвал та наашаа суугаарай.
- Цасан ширхэгний зүсдэг хэв
- Tacky Glue цавуу
- Herma цавуу
- Stickles саатай цавуу /Crystal/
- Distress Oxide тамганы өнгө /Worn Lipstick/
- Hammer цагаан цаас
- “Баярын мэнд” гэсэн үгтэй тамга
- Саатай цаас /мөнгөлөг/
- Boxer хайрцаг хийгч
- Шааригтай товойлгодог багаж
- Versafine тамганы өнгө
- Цагаан Linen зузаан цаас
Цасан Ширхэгээ хийцгээе!
Цасан ширхэгний зүсдэг хэвээр цаасаа зүснэ. Нийт 6 цасан ширхэг зүснэ.
Хоёр хоёроор нь Tacky Glue цавуугаар наана. Наахдаа зөрүүлж давхарлаж наагаарай.
Цасан ширхгэн дээр Stickles саатай цавуу тарааж түрхэнэ.
Картаа урлая!
Би дахин нэг цасан ширхэг зүсээд, үүнийгээ цоолбор болгон ашиглав.
Цасан ширхэгээ цаасан дээрээ тавиад, цасан ширхэгийг тойруулж Distress Oxide-аа түрхэнэ.
Фон дээрээ бэлдсэн цасан ширхэгээ Tacky Glue цавуугаар наана.
“Баярын мэнд” гэсэн үгээ Versafine тамганы өнгөөр тамгалж наана.
Boxer дээр мэндчилгээний картны эх бие болох Linen цаасаа тавиад, нугалах ором гаргана.
Үүн дээрээ мөнгөлөг цаас наана. Дээр нь ногоон цаасаа наана.
Ингээд карт маань бэлэн боллоо. Хамт урлаж сайхан дурсамжаа сэргээсэн танд баярлалаа! Бүтээлч байх үнэхээр амархан!
