Дүү Нартаа Самбар Хийж Өгсөн Минь

Урлалын нийтлэгдсэн огноо: 2017/04/20

Бяцхан дүү нар маань хаалга ханан дээр зурж, будаж эхэлсэн тул тэд нартаа зориулаад чөлөөтэйгөөр  зурж бичих самбар хэрэг боллоо. Шохойн самбар болгогч будаг манайд олон өнгөөр ирсэн. Тэгээд дүү нартаа зориулж цэнхэр өнгийн будгаар самбар хийж үзлээ.

Модон хавтангаа цагаан акрилан будгаар жигд 3 удаа давхарлаж будна.

Декупажны мидиумаа ашиглан салфетка наагаад дээрээс нь 3 давхарлаж түрхэн хамгаална.

Анхааруулга: Тэг дөрвөлжин дүрсэн дээр хүрээ хийж наахдаа маш анхааралтай, өөртөө хангалттай цаг гаргаж байгаад салфеткаа наагаарай. Салфетка тань маш амархан хуулрах эсвэл далий наалдаж болзошгүй.

Шохойн самбар болгогч будгийг будахдаа эхлээд босоо чиглэлд, дараа нь хэвтээ чиглэлтэйгээр нэг цагийн зайтай бийр ашиглан жигд будна.

Төгсгөлд нь самбарны хүрээгээ ногоон акрилан будгаар хүрээлж будна.

Заавар дээр хэлсний дагуу, будсан талбайгаа шохойгоор нэг удаа бүрэн шохойдоод, арилгасны дараа самбар хэрэглэхэд бэлэн болох болно. Ингээд самбар хийгээд авлаа даа. Та ч гэсэн гэртээ самбар хийгээрэй.

Бүх сэтгэгдлийг үзэх

Холбоотой урлалууд

Холбоотой урлалууд