“Гацуурхан, гацуурхан, гацуурхан
Ганган ногоон гацуурхан…” гээд дуулах мөчид шинэ жилийн уур амьсгал орж ирээд нэг л тийм гоё шүү. Би удахгүй шинэ жилийн баяраа шинэхэн гэр бүлтэйгээ тэмдэглэх гэж байгаадаа маш их баяртай байна. Энэ баярт үйл явдалд тохиолдуулан микс медиа канвас урлал хийхээр боллоо. Яаж хийснийг хамтдаа харцгаая.
- Media Texture Paste Товойлгодог Зуурмаг
- Americana Акрилан Будаг (Өнгө: Festive Green, White wash, Tomato red)
- Dazzling Metallic Металлаг өнгийн будаг (Өнгө: Glorious gold, Shimmering silver)
- Distress Oxide Тамганы Өнгө (Өнгө: Peeled paint)
- Stickles Саатай Цавуу (Өнгө: Diamond)
- Будгийн бийр – Цоолборын Бийр
- Gesso (Жессо)
- Tacky glue
- Mini prills
- Цоолбор
- Канвас
- Харандаа
- Шугам
- Цаасан скотч
Хуучирсан канвасаа сайн зүлгүүрдээд дээр нь Жессо түрхэн суурь тавьж хэрэглэхэд бэлэн болгоно.
Бал харандаа ашиглан цоолбороо голлуулж тавихын тулд тэмдэглэл хийж байгаад тавиарай.
Цоолбор маань өөрөөсөө цавуугүй тул цаасан скоч ашиглан тогтооно.
Цоолборын бийрээ ашиглаад 90 градусын босоо байрлалаар будгаа бага багаар товшиж будна.
Цоолбор дээрээ будахдаа алтлаг мөнгөлөг өнгөө ээлжлэн будаарай.
Цоолбороор будсан хээгээ халхалж байгаад улаан акрилан будгаар хүрээгээ будаарай.
Гацуурынхаа хэлбэр дүрсийг гаргахын тулд цаасан скотчоор гурвалжин хэлбэр үүсгэж скотчоо наана.
Үүн дээр цоолбороо тавиад товойлгодог зуурмагаа шпателаар түрхэнэ.
Товойлгодог зуурмаг хатсаны дараа цагаан өнгөөр дээрээс нь будаж суурь тавьж өгнө.
Зөвлөгөө: Media Texture Paste Товойлгодог Зуурмаг нь DecoArt компаниас гаргадаг бүтээгдэхүүн юм. Та энэ товойлгодог зуурмагийг ямар ч өнгийн акрилан будагтай хольж хэрэглэж болно шүү. Би өөрөө холихоо мартаад дээрээс нь будсан.
Дараа нь гацуур маань мэдээж ногоон өнгөтэй тул дээрээс нь ногоон акрилан будгаар будаж өгсөн.
Будаг нь хатсаны дараа Distress Oxide тамганы өнгөөр гацуураа тодруулах үүднээс нэмэлт чимэглэл хийж өгсөн.
Гацуурынхаа одыг Tacky glue цавуугаар одон хэлбэр гарган түрхэнэ.
Mini prills гэх маш жижиг ширхэгтэй үрлэн чимэглэлээр одыг хийсэн. Тод харагдуулах үүднээс улаан өнгөөр хүрээ хийж өгсөн.
Гацуурандаа баярын уур амьсгал оруулахын тулд од болон гацуураа саатай цавуугаар чимж өгсөн.
Эцэст нь бэхжүүлэгч лакаар хийсэн бүтээлээ хамгаалан бэхжүүлээрэй.
Ингээд танд шинэ жилийн уур амьсгал мотивац өгсөн гэж найдаж байна. Та ч гэсэн өөрийн канвасаа урлаад үзээрэй.
