Төмөр Хавтастай Бяцхан Альбом

Урлалын нийтлэгдсэн огноо: 2017/02/04

Хайрын баяр зөвхөн дурлалт хосуудын баяр гэж үү? Ганц бие хүн бас баяр хөөрийг мэдрэх хэрэгтэй шүү дээ. Тэгвэл ойр орчимдоо байгаа дурлалт хосуудад бэлэг хийж өгч сэтгэлийн цэнгэл эдлээрэй.

Би энэ удаад манай дэлгүүрт зарагддаг бяцхан төмөр савыг ашиглан альбом хийлээ. Та иймэрхүү нимгэн төмөр эсвэл цаасан хайрцаг ашиглан хайртай хосуудыг баярлуулж болох юм. Үүнийг хийхдээ хэрэглэх зүйлс:

Хайрцагаа олж бэлдэнэ.

Хайрцагны доторх олон хуудастай цаасаа чимэглэхэд бэлдэнэ.

3 ширхэг хатуу цаасан дүрс бэлдэнэ.

Бэлдсэн дугуй дүрсэнд багтахаар фото зураг бэлдэнэ.

Фото зурганд хийх хүрээг Hammer цаасаар Ногоон машины зүсдэг ир ашиглан зүсч бэлдэнэ.

Бэлдсэн хүрээнүүдийг Distress Ink тамганы өнгө ашиглан будна.

Жааз болон зурагнуудаа дугуй дүрстэй хатуу цаасан дээрээ Herma цавуу ашиглан тогтооно.

Хүссэн тамгаа сонгон авч жааз хийхэд гарсан янз бүрийн хэлбэртэй цааснууд дээрээ тамгалаад хүссэн өнгөөрөө будаарай. Би энд хулганатай тамга сонгож авсан.

Нуурын эрэгт авахуулсан зургийн хажууд усан дээр хөвж яваа хос хулганыг тамгалахаар сонгосон.

Өвлийн ойд зугаалж байгаа зурганы хажууд зүүдлэн унтаж байгаа эм хулганы дүрсээр тамгаллаа

Сүүлчийн зурагны дэргэд том малгайн доор зэрэгцэн суусан хос хулганыг наасан.

Сагсанд суугаад нисэж байгаа хулганыг цаасан дээр тамгалаад хайчилж аван Spectrum Noir маркераар өнгө ялган будаж өгнө.

Төмөр хайрцагныхаа нүүрэн талыг акрилан цагаан будгаар будаж хайчилж бэлдсэн дүрсээ наагаад лак түрхэж бэхжүүлээрэй. Акрилан будаг эсвэл өөр будгаар энд тэнд нь цэглэн чимэглэж болох юм.

Ингээд таны бэлэг бэлэн боллоо. Таны бэлэг дэлхийд цорын ганц бүтээл байх болно. Амжилт хүсье.

Бүх сэтгэгдлийг үзэх

Холбоотой бүтээгдэхүүн

Холбоотой урлалууд