Яаж Дурлуулж Чадав аа?

Урлалын нийтлэгдсэн огноо: 2018/10/30

Орой харих замд минь бороо оров. Зам ч норж, өнгө өнгийн замын гэрлүүд усанд тусах нь үнэхээр гоё харагдсан тул би үүнд нь дурлаж орхив. Байнга бодогдоод, бодохоор догдлоод байсан тул өөрийн эрхгүй урлал хийхээр шийдлээ.

Clipboard-н хавчдаг төмөр дээр цаасан скоч цэвэрхэн наана.

Clipboard-г цагаан өнгөөр порлондож будна.

Дараа нь будгаа хавтан дээр ганц хоёрхон дусаагаад, Distress бийрээр дээш доош чигт нь бийрдэж будна.

Өнгүүдээ сөөлжүүлж ижил аргаар давхарлаж будна.

Будгаа солих бүртээ хуурай салфеткан дээр бийрээ сайн арчаарай.

Эцэст нь Ultra-matte лакаа түрхэж хамгаална.

Ингээд clipboard маань бэлэн боллоо.

Зөвлөмж: Americana акрилан будаг маань хурдан хатдаг учраас аль болох хурдан хурдан бийрдээрэй.

Төлөвлөж байснаас минь илүү өнгөлөг бүтээл болсон ч энэ нь надад харин ч их таалагдаж байгаа. Одоо би Clipboard-аа харах бүртээ намайг өөртөө дурлуулсан тэр нэгэн оройг, өнгөний хамгийн өвөрмөц, тод бас төгс уусалтыг санадаг. Энэ өнгөнүүд намайг өөртөө яаж ингэж дурлуулж чадаад байгаа юм бол? Та ч бас өнгөнд дурлаарай!

Зөвлөмж: Та хүсвэл өөр бийр хэрэглэж болно. Гэхдээ Distress бийр надад энэ техникт хамгийн тохирохоор санагдлаа.

Танд сонирхуулах өөр бараа

Холбоотой урлалууд