Хэн нэгний хөгжилтэй дурсамжтай үеийг фото зурагт буулган хадгалах нь сайхан зүйл. Харин тэр фото зургаа байнга авч явдаг зүйл дээрээ буулгавал бүүр ч гоё. Миний хувьд бяцхан шавь нарын минь багш нартаа зориулж зурсан зураг, бичсэн захидлууд энэ жилийн хамгийн сайхан дурсамжтай зүйл байлаа. Эдгээрийг би даавуун дээр буулгаж цүнх хийхээр зорилоо.
Зургийн эхийг бэлдэх. Ингэхдээ зургуудаа компьютерт оруулж эвлүүлэг хийнэ.
Зургийг хэвлэхдээ заавал лазерийн принтер хэрэглэн урвуу харуулж хэвлэнэ.
Даавууг индүүдэж бэлдэнэ.
Даавууныхаа өнгөн дээр болон цаасан дээрээ хэвлэсэн зургаа харагдахгүй болтол зураг буулгагчаа зузаан түрхэнэ.
Даавуу ба зургаа хавсарч хий орохгүйгээр дарж наана.
Дор хаяж нэг хонуулж байж цаасыг нь хуулж авах хэрэгтэй. Хуулж авахдаа порлон ба ус бэлдэнэ.
Норгоод 2 минут хүлээнэ.
Дараа нь хурууны өндгөөр эсвэл бага зэрэг чийгтэй порлоноор зөөлөн үрж цаасаа арилгана.
Даавууны декупаж медиум түрхэж хамгаалах гадаргуу үүсгэх хэрэгтэй.
Одоо зурагтай даавуугаараа хүссэн цүнхээ урлаж болно.
Бүх сэтгэгдлийг үзэх