Цай нь дууссан төмөр саваар юу хийж болох вэ? Миний хувьд найзаасаа бэлгэнд авсан цайны саваа холимог техник ашиглан шал өөр бүтээл урлаж үзлээ.
- Бүх төрлийн гадаргууны будаг (Өнгө: cotton ball, black tie, metallic yellow gold)
- Акрилан будаг (Өнгө: antique gold, holly green, primary red)
- Cаатай цавуу (Өнгө: diamond)
- Cuttlebug
- Хатуу цаас
- Tacky Glue Цавуу
- The Ultimate Цавуу
- Порлон
Төмөр хайрцгаа будахаасаа өмнө сайн зүлгүүрдэнэ.
Цагаан өнгийн бүх төрлийн гадаргууны будгаараа гурав давхарлаж будна. Дундуур нь зүлгүүрдэхээ мартуузай.
Хар өнгийн бүх төрлийн гадаргууны будгаараа гурав давхарлаж будна. Дундуур нь зүлгүүрдэхээ мартуузай.
Алтлаг бүх төрлийн гадаргууны будгаараа энэ тэнд порлоноор товшиж будна.
Cuttlebug ашиглаад хатуу цаасаа маш олон төрлийн хэвнүүд зүсэж бэлдэнэ.
Олон хээгээ гаргаад хооронд Tacky Glue Цавуугаар давхарлаж наана.
Дараагаар нь хээгээ акрилан будгаар будна.
Будсан хэвнүүдээ Ultimate цавуугаар төмөр хайрцган дээрээ наана.
Эцэст нь Diamond саатай цавуугаар нэмэлт чимэглэл хийнэ.
Ийм хайрцган дотор та юу хийж болох вэ? Би бол хувьдаа үсний боолтнуудаа цуглуулдаг сав болгосон. Учир нь манай гэрт боолт, хавчаарнууд маань гэрээр нэг хөглөрөөд хааяа олддоггүй тул нэг газарт бөөнд нь байлгах их амар санагдсан шүү.
Бүх сэтгэгдлийг үзэх