Манай дэлгүүрт байдаг хэд хэдэн төрлийн зуурмагаас өнгөнд оруулж хүссэн зүйлдээ ашиглаж болох нэг бүтээгдхүүн бол Modeling paste юм. Үүгээр өөрийн дуртай цэцэг болох сарнайг хийхээр оролдсоноо та бүхэнтэйгээ хуваалцахаар болсондоо их баяртай байна. Ингээд хэрхэн хийснээ танд хүргэе.
- Модон хайрцаг
- Modeling paste
- Акрилан будаг (Forest green, Baby pink, Pineapple, Tomato red, Warm white, Espresso)
- Нялуур
- Цавуу
Модон хайрцагаа зүлгэж цэвэрлэнэ.
Ягаан акрилан будгаар будаад шар акрилан будгаа порлонд бага зэрэг шингээж энд тэнд нь хөнгөн товшиж будна.
Modeling paste-ийг цагаан болон улаан будагтай хольж нялуур дээрээ хэсэг хэсгээр нь авч хайрцаг дээрээ сарнай хэлбэрээр тойруулан тавина.
Сарнайгаа хамгийн гаднаас нь эхэлж тойруулаад дараа нь дотор талаар нь нэг үе дэлбээ хийгээд нялуурын үзүүрээр голыг нь хийгээрэй.
Modeling paste болон ногоон өнгийн акрилан будгийг бага зэрэг бор акрилан будагтай хольж навчаа хийгээрэй.
Жижиг сарнайны 2 талаар ногоон өнгөтэй болсон зуурмагаа нарийхан тавьж өгнө.
Харин том навчийг хийхдээ голоос нь эхлэн 2 тийш нь түрхэж хийнэ.
Үлдсэн зуурмагаа цэцгийнхээ энд тэнд бага зэрэг тавьж өгөхөд урлал чинь илүү гоё болж өгнө.
Ногоон өнгийн урлалын эсгийг ёроолд нь тааруулан эсгэж бэлдэнэ. Ингэхдээ Curio машин хэрэглэсэн.
Tacky glue тарган цавуугаар хайрцагны ёроолд урлалын эсгийг наана.
Ингээд таны урлал бэлэн боллоо. Та урлалаа хаттал дээр нь юм тавьж болохгүй гэдгийг анхаараарай.
Бүх сэтгэгдлийг үзэх