Хайрцган Дээр Ургасан Сарнай

Урлалын нийтлэгдсэн огноо: 2017/10/14

Нэг татлага техникээр сарнай зурах аргыг та бухэндээ толилуулах болсондоо баяртай байна. Энэ арга нь жирийн хавтгай цэцгийг бодвол арай өөр арга нэмж орж ирж байгаа тул дэлгэрэнгүй заахаар оролдлоо.

Модон хайрцагны түгжээг аваад хар өнгийн акрилан будгаар будна.

Хавтгай бийрээр навч зурахдаа цагаан болон хар ногоон өнгийн будгийг бийрнийхээ 2 үзүүрээр авч хооронд нь холихын тулд будгийн хавтан дээр цааш нааш хэд хөдөлгөөд зурах гадаргуу дээрээ навчнуудаа эхэлж зурна. Жижиг навчийг жижиг бийрээр, том навчийг том хавтгай бийр ашиглан зурна.

Навч зурсан гадаргуу дээрээ цэцгээ зурж эхлэнэ.

Эхлээд хамгийн гадна талын дэлбээнүүдийг хийгээрэй. Цагаан болон улаан будаг ашиглах ба цагаан нь захдаа гарахаар бийрээ барьж зураарай.

Одоо дотор талд нь дахин хэдэн дэлбээ хийнэ.

Голын хэсгийг хийхдээ эхлээд цаад хэсгийг дараа нь наад хэсгийг зураарай. Ингэхэд голдоо нүхтэй богино хоолой мэт дүрс үүснэ.

Одоо зүүн нэг  талаас нь бийрээ тавиад, гол руу нь татаж дэлбээ нь наана харагдахаар зурна.

Дараа нь нөгөө талаас нь бийрээ тавиад, гол руу нь татаж өөр нэг дэлбээ зурна

Дахин дэлбээ гаргахыг хүсвэл энэ үйлдлээ дахин давтаж хийгээрэй.

Дэлбээлж сайн амжаагүй цэцэг зурахдаа дээрх аргыг бас ашиглаж болох юм. Цэцэгний голын арын хэсгийг эхэлж зурна.

Голоо гүйцээж зурна.

Хажуугийн дэлбээг зурна.

Нөгөө дэлбээг нь зурна.

Нарийн бийрээр навч зурна.

Жижиг сарнайнуудыг зайг нь олж цөөн хэдийг зураад, бяцхан цагаан цэцгүүд болон цагаан цэгүүдийг нарийн бийрээр зурж өгөхөд таны урлал маш гоё харагдана.

Хайрцагны доод өнцөгүүдэд жижиг навч болон цагаан цэцгүүд зурахаа мартуузай.

Эцэст нь түгжээгээ хийгээд Soft touch акрилан лакаар хамгаалах гадаргуу үүсгээрэй.

Манай дэлгүүрт маш олон төрлийн акрилан будаг байдаг бөгөөд та хүссэн цэцгээ урлаарай.

Ингээд таны урлалд амжилт хүсье.

Бүх сэтгэгдлийг үзэх

Танд сонирхуулах өөр бараа

Холбоотой урлалууд