Та хааяа нэг хүйтэн пиво ууж найзуудтайгаа цагийг хөгжилтэй өнгөрөөдөг л биз дээ. Харин уусан пивоныхаа лаазыг та яадаг вэ? Миний хувьд лаазыг товойлгож хээ гарган урлал хийх санаа төрснийг амжилттайгаар биелүүллээ. Ингээд та бүхэндээ хэрхэн хийснээ тайлбарлая.
Лаазны ёроол болон амсар хэсгийг авч их биеийг тэнийлгэнэ
Тэнийлгэсэн төмрийг товойлгох хавтаст хийж ногоон машинаар товойлгоно.
Нэгэнт шувууны дүрс хийж эхэлсэн болохоор тогосны дүрсийг бас товойлгогч машинаар товойлгов.
Товойсон дүрсийг тойруулан хайчилж авна.
Аргиллитан хавтанг хар өнгийн акрилан будгаар будна.
Хайчилж авсан дүрсээ Ultimate цавуугаар хар аргиллитан хавтан дээрээ наана.
Нарийхан жааз хийж урлалаа тодосгоорой.
Анхаарах зүйл:
Төмөр хайчилбараа наахад хатсаны дараа цавуу халтартаж муухай харагддаг тул акрилан будгаараа дахин нэг давхарлан будаарай.
Ингээд танд миний тайлбар таалагдсан байх гэдэгт би итгэж байна. Та ч бас туршаад үзээрэй.
Бүх сэтгэгдлийг үзэх