Санта Өвөөгийн Ил Захидал

Урлалын нийтлэгдсэн огноо: 2016/12/20

Улаан торгон хувцастай буржгар цагаан сахалтай Cанта өвөөг хэзээ ирж бэлэг өгөх бол гэж хүлээх бяцхан хүүхдүүдэд өгөх нэгэн бэлэг нь Санта өвөөгийн ил захидал байж болох юм. Үүнийг доорх зааврын дагуу хийгээрэй.

6 өөр үйлдэл хийж байгаа Сантатай салфеткаа нэг нэгээр нь хайчлан авч, зузаан цагаан цаасан дээр  декупажны мидиумаар наана.

Санта наасан цаасыг ижил хэмжээтэй тайрч бэлдэнэ.

Санта наасан цааснаас 5 мм илүү гарахаар шар өнгийн цаасыг  тайрч бэлтгэнэ.

Тайрсан шар цаасан дээрээ Херма цавуу ашиглан Сантатай цаасаа наана.

Үлдсэн шар цааснаас 4 см өргөн зүсэж авна. Үүнийгээ зураасны дагуу нугалж бэлдэнэ.

Санта наасан цааснуудаа нугалсан хэсэгт наана.

Шар цаасны үзүүрт 2Х8 см хэмжээтэй цаас хөндлөн наана.

Хаммер цаасыг 25Х21см хэмжээгээр зүсч, голоор нь нугалж, цаасны нүүрэн талын ирмэгийг улаан өнгийн Distress ink тамганы өнгөөр будна.

Хаммер цаасыг 20Х11,5 см хэмжээгээр зүсч захаас нь дотогш бүдгэрэх байдалтайгаар ногоон өнгөтэй Distress ink тамганы өнгөөр будна.

Улаан болон ногоон өнгөөр будсан цааснуудыг давхарлан Херма цавуугаар наана.

Санта наасан урт шар өнгийн цаасыг нугалан үзүүрийг хөндлөн цаасны тусламжтайгаар ил захидлын их биед тогтооно. Ингэхдээ Tacky Glue цавуу ашиглаарай.

Одоо улаан өнгийн кнопоор чимэглэл хийж өгнө. Бас шар цаасны үзүүрийг цоолж улаан туузаар чимээрэй.

Бүх сэтгэгдлийг үзэх

Танд сонирхуулах өөр бараа

Холбоотой урлалууд