Талархал Дамжуулах Бугахан

Урлалын нийтлэгдсэн огноо: 2018/12/15

2018 оныг талархлаар үдвэл ямар вэ? Үргэлж чиний талд байж, тусалж дэмждэг, байнга холбогддоггүй ч чамайг гэсэн хэвээр байдаг тэр хүмүүстээ бяцхан бэлэг баривал ямар вэ? Хуруугаар бүтсэн хамгийн эгдүүтэй бугахан талархлыг тань төгс дамжуулах болно. Хамтдаа урлацгаая!

Эко цаасаа зүсч нугалж бэлтгэнэ.

Үүн дээр Distress Oxide тамганы өнгөөр хуруугаараа тамгална.

Distress Oxide бор цаасан дээр маш тод гарна. 2 буга хийх тул 2 удаа тамгалав.

Sharpie балаар 2 нүд, хамар, эвэр зураад бугахан маань бүтнэ.

2 бугын доод хэсэгт Merry Christmas гэдэг үгээ Sharpie балаар бичнэ.

Багахан чимэглэл оруулж саатай цавуу, шингэн сувдаар цэглэж өгнө. Мөн 2 бугынхаа хамрыг Шингэн Сувдаар товгор болголоо.

Таны хуруу ийм хөөрхөн 2 бугаханыг бүтээж чадлаа. Одоо та бугануудтай хамт энэ ондоо багтааж талархлаа дамжуулаарай! Ирэх он танд илүү их аз жаргалыг авчрах болтугай!

Холбоотой бүтээгдэхүүн

Холбоотой урлалууд