Эмэгтэй хүнд цүнх, тэр дундаа кашлак хэзээ ч илүүддэггүй. Өдөр бүр хэрэглэдэг кашлакаа би шинэчлэхээр шийдэж, өөрийн гараар анх удаа урлав. Би ColourCraft-н индүүдэж буулгадаг даавууны будгийг анх удаа туршиж үзсэн учраас бага зэрэг алдаа гаргасан ч үүнээсээ суралцаж цаашид даавуун дээр илүү гоё зүйлс урлах хүсэл төрөв. ColourCraft будаг нь эхлээд цаас будаад, дараа нь даавуун дээр тавьж индүүдэхэд угаахад арилахгүй маш сайхан буудаг билээ.
Ингээд энэхүү цүнхийг хэрхэн урласнаа сонирхуулая
- ColourCraft даавууны будаг (Цэнхэр, шар, бүдэг ногоон өнгүүд)
- Цоологч
- Ok To Wash It цавуу
- Даавуун наалт
- Зүү
- Хайч
- Тортны цаас
- Индүү
- Даавуу
- Цахилгаан
- Хар шигтгээ
Эхлээд цэцэг, навчны дүрстэй цоологчоор цаас цоолж, ColourCraft-н цэнхэр, шар, ногоон өнгөөр тус бүр будаж хатаасан.
Дараа нь үүнийгээ тортны цаасан дээр энд тэнд нь наана. Хэр шигүү хээ үүсгэхээ та өөрөө шийдээрэй.
Үүнийгээ даавуун дээр доош харуулж индүүднэ. Хээ маань даавуун дээр маш тод буусан шүү.
Зөвлөмж: Тортны цаасыг хамгийн дээр бас доор нь тавихаа бүү мартаарай. Индүүдэхдээ цаасаа бүү хөдөлгөөрэй. Мөн индүүгээ бага багаар хөдөлгөж байх хэрэгтэй шүү.
Хээтэй даавууны ар талд даавууны наалт тавьж индүүдээрэй. Даавуу маань ингээд биетэй болов.
Дараа нь 20х27см хэмжээтэй дөрвөлжин болгон даавууны ширхэгийн дагуу хайчлав.
Кашлакны дотор даавууг мөн ижил хэмжээтэй болгон хайчлаарай.
Оёцгооё!
Дотор даавуу, цахилгаан, мөн хээтэй даавууныхаа 3 ирмэгийг тааруулж бариад, зүүгээр хатгаж тогтоогоорой.
Зүү тогтоосон ирмэгийг оёдлын машинаар оёно. Зүүний бөндгөр машины ултай ойртоход зүүгээ сугалж аваарай.
Зүүгээрээ нөгөө талыг нь тааруулж тогтоогоод, мөн адил оёно
Дараа нь цахилгааны доод хэсгийг бөхөлж оёорой. Индүүдсэн ч мөн болно шүү.
Одоо кашлакныхаа хоёр талыг оёно.
Даавуу маань сэмрэхгүйн тулд хэрж оёно.
Кашлакны 4 буланг нь зургийн дагуу оёорой.
Ингээд кашлакаа эргүүлж харуулаад, цэцэгний голд Ok To Wash It цавуугаар хар өнгийн шигтгээ наана.
Анхны гоо сайхны цүнх маань ингээд боллоо. Та хүссэн өнгийн хээтэй даавуу ColourCraft даавууны будагны тусламжтай хялбархан урлаарай!
Бүх сэтгэгдлийг үзэх