Утас Зүүний Чамин Хайрцаг

Урлалын нийтлэгдсэн огноо: 2017/08/15

Төрсөн өдөр эсвэл тэмдэглэлт өдрөөр ямар нэгэн хайрцагтай чихэр пичень авч үзээгүй хүн бараг л байхгүй байх. Харин хайрцгийг нь та яадаг вэ? Өнөөдөр би танд тэрхүү хайрцгийг хэрхэн өөрчилж болохыг харуулах гэж байгаадаа их баяртай байна. Энд би микс медиа буюу юу холимог техник гэх дуртайгаараа чимэглэж болох урлагийг ашигласнаа хэлэх хэрэгтэй байх. За ингээд тайлбартаа ороё.

Төмөр хайрцагаа угааж арчаад зүлгүүрдэнэ.

Snow glitter саатай товойлгодог зуурмагийг хурууны үзүүрээр авч түрхэнэ. Ингэхдээ товшиж түрхвэл арзгар гадаргуу үүсгэнэ

Зуурмагийг сайтар хатсаны дараа цайвар ягаан өнгөөр будна.

Тод ягаан болон үзмэн ягаан өнгийн акрилан будгаар энд тэнд нь будна.

Inka Gold будгаар мөн энд тэнд нь будахад боронзон өнгө нь улам сайхан харагдуулдаг.

Бичих зүйлээ принтерээр гаргаад зузаан цаасан дээр нааж хайчилж авна

Наах зүйлсээ бүгдийг нь үзмэн ягаан өнгөөр будаж таган дээрээ тараган цавуугаар наана.  Мөн ганц нэгийг нь тод гялгар өнгөөр будаж болох юм.

Хайрцагны амсарт будаг хүргэхгүйн тулд скоч нааж дуртай өнгөөрөө будаарай. Хатсаных нь дараа скочоо хуулж авна.

Хатуу цаасыг хайрцагны дотор талд таарахаар хайчилж аваад, үзмэн ягаан акрилан будгаар будна.

Хайрцагны дотор талд будсан хатуу цаасаа Tacky Glue цавуугаар наана.

Та одоо дуртай зүйлээ хийх чамин хайрцагтай боллоо

Зөвхөн дөрвөлжин хайрцаг гэлтгүй гэрт хэрэггүй гээд хаях гэж байгаа лааз ч гэсэн сайхан бүтээл болж болох юм шүү. Чухам ямар бүтээл болохыг таны ур ухаан шийдэх бизээ. Ингээд танд амжилт хүсье.

Бүх сэтгэгдлийг үзэх

Танд сонирхуулах өөр бараа

Холбоотой урлалууд